[A:13a]pa/ 'jam dbyangs dkon mchog rgya mtsho/ mus chen sangs rgyas rgyal mtshan/ mkhan chen thams cad mkhyen pa ngag dbang chos grags/ des bdag sa skya pa ngag dbang kun dga' bsod nams la'o/ ! /yang rje btsun mkhas pa'i dbang po de nyid kyi drung du kha 'ub brag rdzong pa'i nyams len gsung ngag rin po che lam 'bras bu dang bcas pa'i gdams pa slob bshad zab mo lung gi skor dang bcas pa yongs su rdzogs par thob pa'i tshul ni/ thog mar snang ba gsum gyi khrid legs par thob nas/ de'i skabs su lung gi skor nos pa la/ bla ma rgya bod kyi rnam thar rje btsun gyis mdzad pa'i glegs bam nang bzhugs pa/ sa skya pa chen po'i rnam thar rje btsun gyis mdzad pa/ slob dpon rin po che'i rnam thar tshar chen chos kyi rgyal pos mdzad pa/ rje btsun gyi rnam thar sa paN gyis mdzad pa dang / rnam thar mnal lam ma bandhe bshes gnyen grags kyis mdzad pa/ sa paN gyi rnam thar lho pa rin chen dpal gyis mdzad pa dang / ngor chen rdo rje 'chang gis mdzad pa/ 'phags pa rin po che'i rnam thar shar pa ye shes
ye chen mo yin/
rgyal mtshan gyis mdzad pa/ zhang dkon mchog dpal ba'i rnam thar chos rje dpal ldan pas mdzad pa/ tshogs sgom rin po che'i rnam thar gnyag snying po rgyal mtshan gyis mdzad pa/ nyan chen pa bsod nams brtan pa'i rnam thar dkar po brag pas mdzad pa/ rgyal ba brag phug pa'i rnam thar ri khrod pas mdzad pa/ ri khrod pa blo gros brtan pa'i rnam thar dpal ldan pas mdzad pa/ bla ma dam pa'i rnam thar dpal ldan pas