[A:13b]mdzad pa/ dkar po brag pa rin chen seng ge'i rnam thar rang nyid kyis mdzad pa/ chos rje dpal ldan tshul khrims pa'i rnam thar mus chen gyis mdzad pa/ shar chen ye shes rgyal mtshan gyi nam thar dang / grub chen buddha'i rnam thar ngor chen gyis mdzad pa/ ngor chen rdo rje 'chang gi rnam thar kha skong dang bcas pa mus chen gyis mdzad pa/ mus chen gyi rnam thar bdag chen rdo rje 'chang gis mdzad pa/ bdag chen rdo rje 'chang gi rnam thar yid 'phrog utpa la'i phreng ba/ rdo ring rin po che'i rnam thar/ tshar chen gyi lam yig rnams tshar chen chos kyi rgyal pos mdzad pa/ mus chen sems dpa' chen pos mdzad pa'i dpal kyai rdo rje'i mngon rtogs/ lus dkyil/ dbang chu gsum dang / de dag gi gsal byed tshar chen gyis mdzad pa'i lhan thabs rnams kyang thos/ snang gsum khrid kyi skabs su zin thun la brgyud pa'i lo rgyus dang / tshad ma snyan brgyud bzhi'i sgo nas chos kyi khog phug pa'i chos sna drug cu bgrangs tshul dang bcas pa dang / de nas snang ba gsum gyi khrid rnams rdzogs pa'i rjes su maNDal tshom bu lnga pa la brten pa'i byang chub kyi mchog tu sems bskyed pa brgyud pa gnyis ldan gyi phyag len phyogs gcig tu byas pa thob cing / de nas bla med rdo rje theg pa'i lam thun mong ma yin pa la smin grol gnyis las/ thog mar rje btsun yab dpal dgyes pa rdo rje lha dgu'i rdul tshon gyi dkyil 'khor chen por dbang gi mngon par rtogs pa brgyad tshang ba'i sgo nas dbang btegs kyi dkyil 'khor sogs dbang chu chen mo las ji skad bshad pa'i tshul gyi dbang gi chu bo ma nub pa rgyas par thob