[A:52b]dang / nang lus kyi rtsa khams rnams lha'i rang bzhin du gdod ma nyid nas grub par bshad pas so/ /de bzhin du 'khor lo gzhan rnams dang / lus dkyil gyi lha gzhan rnams la'ang de ltar shes par byas la/ 'bras bu la zhen cing lam la zhugs pas goms pa rab kyi mthar phyin par 'gyur te/ lus kyi rtsa yig la sogs pa rnams lhar mthong ba la sogs pa'i gsal snang khyad par can skyes pa de'i tshe lus kyi dkyil 'khor mthong ba zhes bya la/ mthar rang lus kyi rten dkyil 'khor bzhi po de nyid las logs su sku bzhi btsal mi dgos par yon tan gyi tshogs yar ldan du gyur pa de nyid la 'bras bu mthar thug pa zhes bya ba yin no/ /de lta bu'i go ba rags pa tsam yod pa'i gang zag rnams kyis a~M yig las logs su gyur pa'i rin 'byung zhig bskyed chog gi sgo nas gsar du bskyed dgos pa'i dogs pa mi 'byung bas ngag 'don gyi rim pa ji ltar byas kyang don la 'gal ba ci yang yod pa ma yin no/ /gnyis pa ni/ dang po'i las can du gyur pa'i gang zag 'ga' zhig la a~M las rin chen 'byung ldan zhes sogs kyi ngag 'don de la/ phyi dkyil dang mthun par a~M yongs su gyur pa las byung ba'i rin 'byung zhig cho ga'i sgo nas gsar du bskyed dgos par dogs pa'i skabs srid pas/ de 'dra ba'i 'khrul gzhi mi 'byung ba'i phyir dang / yi ge de nyid lhar go ba'i phyir ngag 'don de ltar mdzad pa yin gyis/ las shes pa'i tshig de nor pa yin pas byar mi rung ngo zhes pa'i don ma yin pas/ de tsam la gnad bcos pa'i tshig tu bsam nas dgag bsgrub byed pa ni blo gros dog pa'i