[A:53b]no/ /gal te yin na sa bon de dag las lus dkyil gyi lha rnams bskyed par bshad dgos pa las khungs thub kyi gzhung bshad mtha' dag las yi ge de dag las bskyed pa'i tshul cung zad kyang ma bshad pas/ rje sa skya pa chen po'i gsung dang dngos su 'gal ba'i lus dkyil gyi bskyed gzhi zhig las lus dkyil gyi lha rnams bskyed dgos pa slob dpon rin po che'i bzhed par bsgrub pa ni slob dpon rin po che la skur pa mi zad pa 'debs pa yin te/ khyod kyi 'dod pa de ltar na sa lugs kyi gzhung bshad snga phyi mtha' dag 'dor dgos par snang ba'i phyir ro/ /gal te pho brang lnga'i lus dkyil rgyud gzhung gi dgongs par bsgrub pa'i phyir/ /brtag gnyis kyi lung de phyogs mthun du sbyar ba yin gyi/ yi ge de dag las nges par bskyed dgos par mi 'dod do snyam na/ 'o na sa bon du bshad pa de yang phyogs mthun pa tsam la dgongs nas bskyed gzhi la sa bon du btags pa tsam yin gyi sa bon mtshan nyid pa ma yin no/ /des na bhru~M la sogs pa'i yi ge 'bru lnga rigs lnga'i sa bon du bshad pa tsam gyis lus dkyil gyi lha rnams sa bon las bskyed par khas len dgos na/ /rnam bshad nyi 'od las bhru~M la sogs pa rnams de bzhin gshegs pa lnga'i bdag nyid yin par bshad pas yig 'bru lnga po de de bzhin gshegs pa lnga'i ngo bo'am/ bdag nyid du yang khas blang dgos par 'gyur la/ de ltar rigs lnga'i sa bon yin pa dang / bdag nyid yin pa gnyis khyed la shin tu 'gal ba yin te/ pho brang lnga'i dbus kyi yig 'bru rnams rigs lnga'i ngo bo las gzhan pa'i sa bon du khyod kyis khas blangs pa'i phyir