[A:58a]rnams da gzod long / /zhes gsungs pa de 'dra ba'i thog tu babs par snang ngo / /smras pa/ mi shes lung dang rigs pa yi/ /tshig phreng ngal ba lhur byas kyang / /blun po'i kha shags ji bzhin du/ /rang gis rang nyid pham par byas/ /rgol ba brgyad pa ni/ bza' ba'i dam tshig med pa rnams/ /zhes smras nas/ de'i rgyas bshad du gzhan dag na re/ dbang bskur rab gnas kyi dus su sdom brtson rab byung rnams kyi tshogs 'khor mi byed de/ chos kyi rje sa skya paNDi tas bkag pa'i phyir ro zhes 'dod do/ /de mi 'thad pa ni chos rje rang gi lung dang 'gal ba dang / rje btsun chen po'i lung dang 'gal bas so zhes sun 'byin pa'i tshe/ chos kyi rjes rab byung la dpa' bo'i ston mo dgos par bstan zhing / dpa' bo'i ston mo de tshogs 'khor gyi dbye bar mngon rtogs ljon shing du gsungs shing / chos rje rang gis kyang gsungs/ phyogs snga ma ni dus khyad par can gyi dus su dpa' bo'i ston mo yang mi byed pas bza' ba'i dam tshig las nyams/ chos rjes bshad pa ni klu sgrub nas jo bo dang kha che paN chen sogs kyi lugs yin pas sa skya pa'i rang lugs ma yin zhes dang / dus khyad par can gyi tshe rab byung gi tshogs 'khor ma byas na rtsa ltung bcu gsum par 'gro ba 'khrul spong gi dgongs pa yin no/ /zhes smra zhing rgol bar byed do/ /lan la gsum ste/ rgol bas tshig la nang 'gal spong ba/ gong ma'i gsung la dogs pa dpyad pa/ dngos lan btab pa 'phros dang bcas pa'o/ /dang po la gsum ste/ rgol bas dngos rtags ma phyed pas sa paN gyi