[A:57b]kyang rgyu rdo rje 'dzin pa yin na rigs lnga po gang rung yin mi dgos pas rang rigs kyis rgyas 'debs pa yin zhes pa de kho bo cag gis smra ste/ rgyu rdo rje 'dzin pa rigs drug pa rdo rje 'chang du rgyud gsum dgongs 'grel dang bcas pa las gsal bar gsungs pa'i phyir ro/ /kye dbang brtul dag sa skya pa'i lus dkyil la rgyud gzhung gi khungs med pa dang / phyi nang thun mong gi lha med pa dang / phyi dkyil dang lus dkyil lha grangs ma mnyam pa dang / lus la lha bskyed pa dang / lus dkyil gyi khyad par ma phyed pa ste/ dogs gnas kyi gtso bo lnga'i sgo nas rtogs rtags dang / mun sprul 'ba' zhig yin gyi/ chos rnam dag ma yin no zhes pa'i than skad kyi nga ro chen pos mi zad pa'i spring / yig phyogs thams cad du bsgrags te/ lam 'di rtsa ba nas 'jig par rtsom pa'i rgol ba dag byung ba'i tshe kho bo cag gi rje thams cad mkhyen pa 'dis yang dag pa'i lung dang rigs pa'i rdo rjes phyir rgol ba'i log rtog gi brag ri phye mar byas te lugs 'di rtsod med du bsgrub pa yin gyi/ de las gzhan dus mtshungs pa'i chos lugs 'dis zhal 'dzin par khas 'che ba kha cig ni the tshom gyi 'khyogs la 'phyang mo yug tu byed pa dang / phal cher ni drang srong ngan pa'i rnam thar bzhin smra bcad kyi brtul zhugs bzung ste gnas pa las chos dang mthun pa'i lan 'debs par spobs pa su yang yod pa ma yin na/ ding sang mtshan ma ngan pa'i tshig bden med du ma zhig phreng du bsgrigs te smra ba ni/ gal te chos kyi grags pa yi/ /smra ba'i nyi ma nub pa na/ /chos rnams gnyid log yang na shi /chos ma yin