[A:65a]slong lta ba dang tshul khrims log par spyod pa rnams kyis lung rigs ltar snang gi sgo nas rtsod pa dag 'byung bar lung bstan pa'i thog tu babs pas 'di lta bu smra ba dag rje thams cad mkhyen pa 'di la lhag par gus pa'i rgyur dpyod ldan rnams kyis nges par bya'o/ /'on kyang ding sang bstan pa'i snyigs ma ches lhag par gyur pas smin grol gyi lam ston nus par khas 'che ba phal cher zhig yongs rdzogs dge bsnyen gyi bslab par bya ba tsam la yang 'khu 'khrig za ba shas che bar snang bas tshig 'di rang gzhan kun la gzu bor gnas pa'i blos brtags te smras pa yin na/ rtsod phreng 'di'i nang na 'di nyid kho na legs par byas pa yin no/ /smras pa/ chos tshul 'di la sbyangs sbyangs pa'i/ /bstan 'dzin gzhan la smod smod pa/ /de dag rnams kyis rang rang gi /smra bya'i gnas la nges nges kyi/ /bsgrub byed don du mna' bor bas/ /rang gzhung zin par khas 'che ba'i/ /thos chung rnams kyis rang gis rang / /lha rnams dga' ba'i grangs su byas/ /gsar chung yid srub rigs kyi tshig /thun tshags bsdus pa'i smod pa'i mda'/ /phyogs 'dir 'phen brtson sred ldan de/ /'dod pa'i khyim du gnyid byos shig /ces smra'o/ /a ho badzra dznyA/ phyogs kun 'phrin las zer gyis 'gebs nus pa'i/ /'od gsal nyi zla'i snang ba 'di med na/ /tshur rol mthong ba'i srin bu me khyer gyis/ /sa gsum snang byed dbang po bya nus sam/ /sngon dus rtog ge'i chang gis rab myos pa'i/ /phyir rgol glang po smyon pa'i dor stabs kyis/ /gsung ngag mtsho skyes rtsa