[A:65b]ba dkrugs pa'i tshe/ /nyes spong lung rigs shes pa 'ga' yod dam/ /deng dus mkhas mang ngang pa'i ded dpon dang / /gzhan zer dbyangs su len pa'i bung ba yang / /chos 'di'i mkha' la 'dab bzang ji bzhin du/ /'phur lding byed 'di mgon de'i drin min nam/ /gong ma'i bzhed gzhung ming gi mthar byed cing / /lam bzang bsgom la 'gyod tshang gzhung 'dzugs pa'i/ /'byung po'i rigs la phebs par smra byed cing / /rang sde smod rnams gdon gyis ma btab bam/ rgyal po'i 'phrin dang g.yo sgyu'i sbyor ba yis/ /'bad pas bsgrub pa'i dad pa'i rjes 'brang gis/ /sgra 'dzin dbang po gzhan smod ngur mo yis/ /rgyun du rtser la bsam sbyor gzhan med dam/ /chos brgyad 'khor dang khyim la 'khron pa yi/ /kun dkris dbang gis dgag bsgrub zol sbyor mkhan/ /lus med 'dod pa'i bde ba bsgrub rnams la/ /nyung ngu'i tshig gis lan 'di rig par smras/ /gsung rab rgya mtsho'i don la ma phyogs par/ /lan brgyar 'chad dang nyan pa'i grar zhugs kyang / /tshig tsam 'don pa'i ngal bas dus 'da' ba'i/ /blun po rnams kyis smad par ma gyur cig /'di sbyar dge bas gsung ngag yid bzhin nor/ /sems 'jal rtog pa'i byi dor gyis sbyangs te/ /thos bsam bsgom pa'i rgyal mtshan rtser bzhag nas/ /blo gsal mang po'i mdun sar bsngags par shog /'gro gsum mchod 'os thub bstan ganggA'i rgyun/ /nyes bshad 'phrog byed rkang pas ma bcos pa/ /bdag blo skal ldan shing rta la brten nas/ /srid mthar 'gro ba'i gdung ba sel bar shog /tshe rab kun du dal