[A:66a]'byor gru bo che/ /'phags nor rin chen bdun ldan legs thob ste/ /'phrin las ba dan dkar po'i thabs mkhas kyis/ /rnam grol sku bzhi'i gling du bgrod par shog /ces gsung ngag rin po che lam 'bras bu dang bcas pa'i gdam ngag gzhung ji lta ba bzhin dkri ba'i lam gyi sgo nas mtha' yas pa'i 'gro ba rnams 'chi ba med pa'i gnas su 'dren par byed pa'i phyag len gyi rim pa'i cha shas phyogs re ba gang yin pa de dag la bshes gnyen gzhan gyis brgal zhing brtags pa'i lan rnam par nges pa tshangs pa'i rigs sngags zhes bya ba 'di ni/ khams gsum chos kyi rgyal po yongs 'dzin ratna wardha yab sras kyi gsung ngag bdud rtsis skal ba bzang por byas pa shAkya'i dge slong dkon mchog lhun grub kyis 'phags pa'i yul na bi ro dhi zhes grags pa sa mo glang gi lo/ de bzhin gshegs pas bdud dang mu stegs pham par mdzad pa'i dus chen cho 'phrul gyi zla ba'i dkar phyogs bsil zer byed pa'i dkyil 'khor lang tsho rab tu rgyas pa'i nyin/ shrI e wa~M chos ldan yon tan rin po che du ma'i 'byung gnas kyi gtsug lag khang chen po'i yang steng du legs par sbyar ba'o/ /yi ge'i 'du byed mnga' ris yul ljongs kyi/ /thig ler rab skyes brtul zhugs mchog 'dzin cing / /mang thos nor 'chang nam mkha' brtan pa yi/ /sor mo'i pad dkar bzhad pa'i ze'u 'bru 'o/ /'dis gsung ngag rin po che'i bstan pa phyogs thams cad du dar zhing rgyas pa'i rgyur gyur cig shu bhaM mastu sarba dza ga taM/ zhes pa de rnams kyis brgal lan tshangs pa'i rigs sngags nyid