[A:66b]bshad pa bstan zin nas/ gnyis pa de'i don bsdus bshad pa ni/ brgal lan tshangs pa'i rigs sngags kyi don bsdus don brgyad pa zhes bya ba las 'di ltar 'byung ste/ brgal zhing brtags pa'i lan rnam par nges pa tshangs pa'i rigs sngags kyi don bsdus pa'i tshigs su bcad pa/ rje btsun dam pa rnams la phyag 'tshal lo/ /stobs ldan mda' lnga'i 'jug pas ma bsgrin zhing / /dregs ldan lha brgya'i gtsug tu ngal gso mdzad/ /byams ldan bdud rtsi'i 'tsho ba la dges pa'i/ /dpal ldan sa skya'i bla chen phyag gi gnas/ /gangs can ljongs 'dir kun mkhyen gnyis pa zhes/ /rab grags rgyal bas lung bstan 'khor lo'i mgon/ /mkhas kun dga' ba'i mdzad pa bzang po yis/ /ston pa'i rgyal sa 'dzin khyod bsngags par 'os/ /gang de'i 'phrin las rnyog bral 'o ma'i mtsho/ /dpyod ldan mang po'i bsten byar rnam brtags pa/ /phyogs 'dzin mun pa'i khung bur nyal byed pa'i/ /blo chung brang 'gro'i tshogs kyis spangs so lo/ /rmad byung brgyud pa'i bzhed gzhung dbang gi rgyal/ /sgros na dbugs kyi dug can gyis 'khyud na/ /'phrin las 'od zer 'phro bar mi nus pas/ /lung rigs sngags 'di gzhan zer ring du bya/ /chags sdang dug mtsho bsrub pa las byung ba'i/ /tshig rtsub nag po brtsegs pa'i kha dog tsam/ /blo ngan mgrin pa'i rgyan du re ba dag /khong khro'i mig me 'bar bar ma gyur cig /'di na sa skya'i chos lugs kyi/ /rjes su dad pas 'brangs ba 'ga'/ /phrag dog phyogs 'dzin lhur byas nas/ /rang gzhan 'byed phyir 'di skad lo/ /
sems bskyed brgyud pa med