[A:70b]bcad pa ste don tshan lnga pa'o/ /
rgol ba drug pa ni/ kha cig na re/ lus dkyil gyi pho brang lnga'i a~M la sogs pa'i yi ge rnams rin 'byung la sogs pa'i sa bon dubazhag nas bskyed par byed pa mi 'thad de/ de ltar na bcos ma'i dkyil 'khor du thal ba'i phyir dang / ha~M dang hU~M lta bu sa bon mgo thur du bstan du mi rung ba'i phyir dang / zhes bkag nas/ ngag 'don gyi tshe a~M rin chen 'byung ldan zhes sogs sbyar nas gzhung gi tshig mtha' dag med par byed do/ /'di mi 'thad de/ rje btsun rtse mos lus dkyil lung dang sbyar ba'i le'u gnyis pa nas bhru~M la sogs pa ni pho brang lnga'i lha rnams kyi sa bon te zhes gsal bar gsungs pa dang / gzhung bshad mthong ngo cog gi grangs bgrangs nas de rnams las 'byung khungs kyi tshig yod par bshad pa kho na 'byung ba dang / khyad par du dpe mdzod ma dang / sga theng ma gnyis su rtsa nang gi khams yab/ phyi shun gyi rtsa las yum bskyed par bshad do/ /zhes zer ro/ /de'i lan ni/
lus dkyil lha rnams bskyed pa'i gzhi/ a~M las zhes sogs 'byung khungs kyi/ /tshig tu 'dod na gzhan dag las/ /sangs rgyas las chos chos las ni/ /'phags pa'i tshogs zhes gang gsungs pa/ /'di 'dra'i rigs la 'byung khungs kyi/ /tshig ces mkhas pa rnams la grags/ /khyed kyang de ltar 'dod na ni/ /a~M las byung zhing a~M yig las/ /logs su gyur pa'i rin 'byung zhig /sprul 'khor dbus su 'dod dgos par/ /snga ma de yi rigs pas grub/ /de 'dra khyed cag bzhed lags sam/ /tshig kyang bsgrig legs mi shes na/ /don bzang smos kyang ci dgos pa'i/ /blun po rnams kyi rang dga'i tshig /mkhas rnams bzhad gad bskyed pa yi/ /'brel med sna tshogs bris pa la/ /bstan bcos yin zhes bshad nyan byed/ /ces sogs 'di 'dra'i rigs la dgongs/
/rje btsun rtse