[A:70a]'thad de/ rje btsun gyis mdzad pa'i lam dus kyi dbang yi ge las thun mong gi dbang drug rdo rje slob dpon gyi dbang dang bdun ka'i bdag dang dbang rdzas yongs su dag pa bzhis byin gyis rlobs dgos te/ de yang rgyu dus dang mi 'dra ba ni dam tshig pa pho brang lnga'i gtso bor 'pho/ gzhan rnams rgyu dus dang 'dra'o zhes gsungs pa dang dngos su 'gal lo zhes smra'o/ /de'i lan ni/
brtul zhugs slob dpon dbang bskur gyi/ /dbang rdzas yongs dag bsdus pa yis/ /nam yang bskyed du mi rung ba'i/ /gong ma'i lung khungs ci zhig yod/ /khyed dag yongs dag ci ltar byed/ /rje btsun gong mas ma bshad kyang / /cho ga gsum bskyed sogs sbyor na/ /mngon byang lnga las bskyed rung zhes/ /bshad na khyed cag ci zhig smra/ /khyed kyis tshad mar khas blangs pa'i/ /rdo rje dril bu'i de nyid las/ /bshad pa'i lha yi bskyed tshul dang / /dbang chu nas bshad lha de dag /shar nub ri bzhin ring du gyur/ /de gnyis 'gal spong ci ltar byed/ /khyed kyi bla mas mdzad pa yi/ /dkyil chog dpag bsam ljon shing las/ /bshad pa'i rdor dril bskyed chog dang / /rje btsun rtse mo'i dbang chu gnyis/ /snang mun bzhin du 'gal bar 'gyur/ /bka' srol gnyis la de mi rung / /gal te de ltar byar rung bar/ /bshad pa'i gong ma'i lung yod na/ /kho bo khyed kyi rjes su 'brang / /de phyir ston pa'i dus la babs/ /tshul 'di bsgrub pa bzhi ldan gyi/ /lan du lung rigs dang bcas 'chad/ /thos nyung thos don mi shes par/ /khungs min khungs su re ba yi/ /blo chung blo ngan nor 'chang ba/ /khyod min khyod 'dra shin tu mang / /zhes bya ba ni bar skabs kyi tshigs su