[A:72b]lo bsgyur ba lnga/ /zhes pa'i gzhung de nor ram ci/ /gzhung lugs mthong nas smra dgos kyi/ /phyogs su ma phyin 'ol spyod de/ /rang nyid srang la 'jal ba yin/ /zab mo'i lus dkyil chos min par/ /smra ba'i log rtog 'jigs rung ba/ /byung tshe mthong thos skad med pa'i/ /sa skya'i rjes 'brang rnying pa la/ /smra bcad brtul zhugs su yin byin/ /mi shes lung dang rigs pa yi/ /tshig phreng ngal ba lhur byas kyang / /blun po'i kha bshags ji bzhin du/ /rang gis rang nyid pham par byas/ /zhes bya ba ni bar skabs kyi tshigs su bcad pa ste don tshan bdun pa'o/ /
rgol ba brgyad pa ni/ gzhan dag na re/ dbang bskur rab gnas kyi dus su sdom brtson rab byung rnams kyi tshogs 'khor mi byed de/ chos rje sa skya paNDi tas bkag pa'i phyir ro zhes 'dod do/ /de mi 'thad pa ni/ chos rje rang gi lung dang 'gal ba dang / rje btsun chen po'i lung dang 'gal bas so zhes sun 'byin pa'i tshe/ chos kyi rjes rab byung la dpa' bo'i ston mo dgos par bstan zhing / dpa' bo'i ston mo de tshogs 'khor gyi dbye bar mngon rtogs ljon shing du gsungs shing / chos rje rang gis kyang gsungs/ phyogs snga ma ni dus khyad par can gyi dus su dpa' bo'i ston mo yang mi byed pas bza' ba'i dam tshig las nyams/ chos rjes bshad pa ni klu sgrub nas jo bo rje dang / kha che paN chen sogs kyi lugs yin pas sa skya pa'i rang lugs ma yin zhes dang / dus khyad par can gyi tshe rab byung gi tshogs 'khor ma byas na rtsa ltung bcu gsum par 'gro ba de 'khrul spong gi dgongs pa yin no zhes smra'o/ /de'i lan ni/
mkhyen rab dbang phyug sa paN gyis/ /bshad pa'i rab byung ston mo de/ /khyad par can gyi bza' ba yis/ /dgag bya de dag khegs nus sam/ /nus na nged cag sdom brtson rnams/ /chos rjes bshad pa de byed na/ /bza' ba'i dam tshig med pa