[A:77a]gyi khyad chos yin no snyam na/ de gnyis la de 'dra'i khyad par sus kyang ma bshad pa'i phyir dang / rje btsun rin po ches gzhan phan bdud rtsir/ nub drug gi bar du rdul tshon gyi dkyil 'khor du sbrel nas dbang bskur ba bshad pa sogs gnod byed mtha' yas so/ /des na rdul tshon gyi dkyil 'khor gcig tu dbang tshar mang du bskur ba sa skya pa'i lugs min/ bu ston pa'i slob brgyud dag gi srol yin zer ba/ rje btsun chen po ngor pa dang bzhed pa gcig pa 'dug pas sa skya pa'i khyu nas 'bud kyang / bu ston pa'i slob brgyud du 'ong don med pas thugs dran brten pa zhu/ ngor pa 'gog pa'i zol sbyor gyis/ /dkyil 'khor chen po'i dbang phri zhing / /sa skya'i rje btsun chen po de/ /rgyang ring dor la dgos pa ci// ! //smra ba bzhi po/ slob dpon gyi dbang la grangs nges med pa'i bsgrub byed/ dus gcig la nyer lnga la bskur ba'i phyir zer bar snang ba na/ de ltar na slob dpon gyi dbang la grangs nges yod la/ dus gcig la nyer lnga las mang ba la mi bskur ba'i phyir/ khyab pa tshad grub rtags gsal dang po/ 'khrul 'khor gsum/ slob dpon gyi dbang la dbang stegs kyi steng du gcig bsgrengs su bzhag nas bskur dgos snyam na/ ngor pa yang dbang stegs gcig gi steng du slob ma gnyis gsum la sogs pa dus gcig tu 'jog par mi bzhed cing / dkyus ma la lag len bde ba'i dbang du byas nas so sor ting nge 'dzin gyi dbang stegs bskyed pa la bzhag nas slob dpon gyi dbang bskur bar mdzad la/ rgyas par na spyi rgyud