[A:77b]las/ bla mas slob ma gcig pu ni/ /dkyil 'khor dag tu dbang bskur bya/ /mkhas pas gcig char slob ma gnyis/ /dbang bskur ba ni yongs mi bya/ /gnyis sam gsum mam bzhi yang rung / /bla mas dbang bskur bya ba ni/ /yo byad gsar pa gzhan rnams kyis/ /thams cad thams cad so sor bya/ /zhes dang / dbang bskur don du dkyil 'khor ni/ /bye ma dkar pos bri bar bya/ /dkyil 'khor dag dang rjes mthun par/ /stegs bu gru bzhi byas nas su/ /de yi dbus su tshon sna lngas/ /padma yongs su rdzogs par bri/ /zhes sogs gsungs pa'i don rje btsun gong ma'i yi ge las 'byung ba'i phyag len dbang stegs kyi dkyil 'khor mtshan nyid tshang ba'i steng du ji skad bshad pa'i yo byad yongs su rdzogs pa'i tshig bsgrengs du/ rdo rje slob dpon gyi dbang bskur ba'i phyag len shin tu rgyas pa'ang byed pas/ khyed kyi padma 'dab brgyad kyi ri mo tsam gyi steng du bzhag nas slob dpon gyi dbang bskur ba la de tsam gyi nga rgyal gyis nyams dag pa ngal ba lhur len par zad do/ /bung ba gzhon nu'i gshog brgyangs kyis/ /nga rgyal lding bskor 'di mthong tshe/ /yongs 'du'i 'dab bzang dbang po des/ /'dzam gling mun par ma byas mtshar// ! //smra ba lnga pa/ lus dkyil gyi lha rnams sa bon la bskyed pa'i bsgrub byed/ sras don ma gnyag ma sogs gzhung bshad mang po las a~M las ha~M las zhes sogs dang / sga theng ma/ dpe mdzod ma gnyis su/ lte ba'i nang gi a~M gi byang sems las bcom ldan 'das rin chen 'byung ldan zhes dang / phyi'i rtsa a~M