[A:78a]las de'i yum sa rnam par dag pa spyan ma zhes gsungs pa sgrub byed do/ /de ltar na lus dkyil gyi lha rnams sa bon las bskyed la/ sras don ma sogs las bskyed par gsungs pa'i phyir/ 'dod na mi bskyed par thal/ sga theng ma dang / dpe mdzod ma gnyis las mi bskyed par bshad pa'i phyir/ ma grub na der thal/ lte ba'i rtsa lam yi ge rnam pa can dang / de'i nang gi khams gnyis/ bskyed rim gyi skabs kyi lha'i bskyed chog gi sa bon yin par rgya bod su yang mi 'thad pa'i phyir/ des na slob dpon rin po ches lung sbyar du gsungs pa yang / pho brang lnga'i gtso bo'i sa bon tsam bstan pa yin gyi/ khyed 'dod pa ltar yin na de dag brtag gnyis nas bshad pa'i yig 'bru lnga po de las skabs 'dir bskyed dgos pa la de 'dra sus kyang ma bshad pa'i phyir ro/ /des na gnas de dag gi rtsa yi ge hU~M la sogs pa'i rnam par gnas pa rnams lha de dang der bskyed pa las de bskyed ces brjod pa la dgongs nas a~M las hU~M las sogs gsungs/ ngo bo rtsa yi ge'i rnam par gnas pa de nyid ka lhar bskyed rgyu yin pas las dang po pa rnams kyis go bde ba dang / blun po rnams la 'di lta bu'i log rtog skye ba dgag pa'i phyir/ a~M rin chen 'byung ldan sogs gsal bar gsungs/ don la khyad par med pa ni gnad kyi bshad pa yin no/ /rang bzhin lhun grub bskyed gzhi ni/ /bor nas bcos ma'i bskyed chog gis/ /bsgrub las gong ma'i gsung rab la/ /nang 'gal yod par grub 'di mtshar// ! //smra ba drug pa/ lam dus kyi brtul zhugs