[A:80a]gsum/ dpa' bo rnal 'byor ma tshogs pa la tshogs kyi 'khor lo zhes bya la/ dpa' bo 'ba' zhig tshogs na dpa' bo'i ston mo/ dpa' mo 'ba' zhig tshogs na dpa' mo'i ston mo/ zhes sogs kyi lung 'dren pa dang / dpa' bo'i ston mo tshogs kyi 'khor lo ma yin na/ dpa' bo'i ston mo la sogs pa'i bdun po de rgyun gyi bza' ba'i dam tshig ni yin don med la/ de'i phyir bza' ba'i dam tshig gang yang ma yin par thal lo/ /zhes zer ba rnams rim bzhin mi rigs te/ ngor lugs la bza' ba'i dam tshig yod par thal/ bdud rtsi ril bu bsten pa de bza' ba'i dam tshig yin pa'i phyir/ der thal/ rgyun gyi bza' ba'i dam tshig yin pa'i phyir/ 'khor gsum/ ri bong rwa tshogs kyi 'khor lo yin par thal/ khyad par gyi bza' ba'i dam tshig tshogs kyi 'khor lo yin pa'i phyir/ 'khor gsum/ shes bya rtag pa yin par khas blangs pas/ shes bya yin na rtag pa yin pas khyab pa khas len mi dgos pas dgongs par zhu/ gzhan yang dpa' bo'i ston mo med par thal/ de yod na bza' ba'i dam tshig yin dgos pa la/ rgyun gyi bza' ba'i dam tshig gi yin don med/ khyad par gyi bza' ba'i dam tshig min te tshogs kyi 'khor lo ma yin pa'i phyir/ der thal/ de la rje btsun gyi tshogs kyi 'khor lo/ dpa' bo'i ston mo dpa' mo'i ston mo zhes de gsum mi 'dra ba tha dad du bshad pa'i phyir/ ma yin/ de gsum ming gi rnam grangs kyi dbye ba yin no snyam na/ de ltar na dpa' mo'i ston mo yang / dpa' bo'i ston mor 'gyur zhing / dpa' mo