[A:81b]mkhas rnams bzhed/ /gzhan yang spros pa 'di skad lo/ /dbang bskur byed pa'i sngon rol du/ /sems bskyed 'dod dam mi 'dod dris/ /'dod na'ang khyed la de med de/ /lugs gnyis brgyud pa gnyis sogs kyi/ /cho ga khyed la skabs der med/ /mi 'dod sems bskyed ma byas par/ /sngags la 'jug pa bkag ces zer/ /lam 'bras 'chad las gzhan pa'i dus/ /sngon du de 'dra'i sems bskyed kyi/ /cho ga med par dbang bskur ba/ /khyed rang 'dod pa dran par gyis/ /sta gon 'jug pa'i gnas skabs su/ /sems bskyed gsungs phyir dgos 'di med/ /gsum la skyabs 'gro la sogs pa'i/ /'khrul spong nyid las ji skad du/ /smon 'jug sems bskyed blang bar bya/ /de ni gud du blangs kyang rung / /ma blangs kyang ni sta gon gyi/ /skabs su 'byung zhes gsungs pa 'di/ /dogs gnas kun grol dngos lan no/ /rjes 'dzin grangs nges med pa dang / /zhes par sun 'byin 'di skad lo/ /lung rigs gnyis las dang po ni/ /rnam snang mngon par byang ba las/ /gcig gnyis bzhi las lhag kyang rung / /dpyad mi dgos par bzung bar bya/ /zhes dang / 'phags pas rtsa rgyud kyi/ /TIkkar rnam snang mngon byang lung / /slob dpon snying rje chen po yis/ /tshad med bzung bar bya ba'i bar/ /rjes 'dzin skabs su drangs pa dang / /dbang chur spyi rgyud drangs pa'i don/ /dbang bskur skabs la dgongs pa yin/ /gzhan yang gsang ba spyi rgyud las/ /rjes 'dzin yod pa sta gon skabs/ /med na gzugs brnyan bri ba'am/ /skyin pa gzhug par