[A:81a]pa'i snyan brgyud 'khrul sel las 'di ltar 'byung ste/ na mo gu ru bhya/ snyan brgyud 'khrul sel zhes bya ba/ /rtsa ba'i bla ma rnams dang dbyer ma mchis pa mthu stobs kyi dbang phyug dpal birWa pa la gus pas phyag 'tshal lo/ /sgo gsum dbang chen yangs pa'i gzhir/ /rigs gsum sa bon legs gnas pa/ /mchog gsum byin rlabs sprin byung spros/ /sku gsum 'bras stsol rje la 'dud/ /chos kyi spyan ldan bla ma'i gsung / /chos ltar bcos pas dri mar byas/ /chos mthun rigs pas dag byed pa/ /chos 'dod rnams la bshad par bya/ /bla chen badzra dhwa dza yis/ /gong ma'i gsung mchog dgongs pa'i don/ /legs par bshad pa mang bkod kyang / /'dir ni chu rgyun bzhi pa ru/ /sems bskyed brgyud pa med pa sogs/ /tshig brgyad 'grel par bcas pa la/ /sun 'byin rnam par spros pa'i lan/ /skabs don legs par bshad par bya/ /dang po'i don la 'di skad du/ brgyud pa gnyis kyi sems bskyed kyi/ /cho ga rje pas mdzad pa ni/ /sgo rum brnyed las brgyud ces pa/ /tshad ldan smras pa med do lo/ /sgo rum brnyed dam min yang rung / /mkhan chen shes rab rdo rje pas/ /bla ma bcu phrag lhag pa las/ /rje yi bka' 'bum kun gyi lung / /gsan pa gang na'ang de 'dra med/ /sdom rgyun yod pa'ang bsgrub bya yin/ /gzhan yang mtha' gzhan bkag pas shes/ /des na de 'dra'i cho ga ni/ /gsar du gzhan gyis byas par nges/ /dbang gi sngon du ljon shing las/ /sems bskyed cho ga bshad na yang / /phyag len nub par