[A:82a]gsungs pa'i don/ /de la rjes 'dzin dbang bskur gnyis/ /logs su byed dam med na ni/ /sta gon grangs nges rjes 'dzin las/ /ltos par 'dod pas khyed la 'gal/ /kho bo dmigs gsal ston par 'dod/ /rigs pa rdo rje slob dpon dbang / /re rer bskur yang maNDal sogs/ /thun mong byed bzhin rjes 'dzin dang / /dbang bskur la yang thun mong dang / /grangs nges dgos par mtshungs par 'dod/ /rjes 'dzin sta gon dngos gzhi yi/ /grangs nges mtha' cig dgos na ni/ /slob dpon dbang gi gtso bo'i phyir/ /rjes 'dzin sta gon re rer 'gyur/ /srod la rjes 'dzin sta gon gnyis/ /gsungs kyang de gnyis mi mtshungs te/ /sta gon dus der ma tshar dogs/ /rjes 'dzin de bzhin mi dgos so/ /mdor na TIkka spyi rgyud don/ /grangs nges yod dang rnam snang las/ /grangs nges med pa gnyis ka las/ /rjes 'dzin skabs su gsungs pa'i phyir/ /'gal med 'chad pa 'di ltar yin/ /rjes 'dzin rnam snang ltar byas kyang / /spyi rgyud ltar du dbang bskur la/ /nyer lnga'i grangs nges byed ces zer/ /de dag lan ni rim pa bzhin/ /lung dang 'gal zhing rig pa mtshungs/ /khas blangs 'gal zhing rang lugs kyi/ /mkhas pa'i gsung dang 'gal ba ste/ /dbang chur rjes 'dzin grangs kyi skabs/ /spyi rgyud drangs shing sdom gsum las/ /spyod pa'i rgyud kyi dbang bskur la/ /slob ma grangs nges med par gsungs/ /lhag ma dmigs gsal mdzad pa yi/ /slob ma la ni grangs nges yod/ /de skad gsungs pa'i