[A:82b]lung don dang / /ljon shing las kyang spyi rgyud la/ /zhal 'phangs mdzad phyir khu dbon gsum/ /dgongs pa mthun pas skyogs bshad dor/ /bla med rjes 'dzin ston pa'i skabs/ /spyod rgyud lung 'dren bsgrub byed kyi/ /'phongs pa'i cal col yin par nges/ /rtsa rgyud TIkka snga rting gi /dkar chag med phyir 'phags pas min/ /gzugs brnyan sogs don logs su ni/ /rjes 'dzin byas na'ang 'gal ba ci/ /gzhan phan bdud rtsir shin po la/ /rjes 'dzin bshad pa med snyam na/ /zhib par dbang chur zhal 'phangs phyir/ /mi 'gal yang na mi gsal 'dod/ /dngos gzhi grangs nges dgos na yang / /sta gon brgya phrag thun mong du/ /byas kyang 'gal med thal ba sogs/ /slob dpon dbang gi rim pa ltar/ /dngos gzhi grangs nges dgos na yang / /rjes ni thun mong chog pa sogs/ /rang la'ang mtshungs pa grub mtha' 'jig /mtha' gcig sta gon dngos gzhi'i grangs/ /nges na de gnyis gtso bo'i phyir/ /rjes 'dzin grangs nges dgos pa sogs/ /gong gi rigs pa mtshungs pa yin/ /srod kyi dus su sta gon sogs/ /byed na cho ga gnyis mi 'gyur/ /mi byed dbang bskur byin rlabs med/ /'phrin las che 'dod dka' bar gnas/ /spyi rgyud rjes 'dzin 'chad pa'i skabs/ /grangs nges dmigs gsal mi 'dod dang / /spyi rgyud TIkar grangs nges yod/ /rjes 'dzin skabs su 'byung zhes pa/ /khas blangs 'gal ba ma yin nam/ /mkhas pa go shAka rnam gnyis kyi/ /dbang chu bde chen rgya mtsho dang / /gser thur dag las dbang chu bzhin/ /rjes