[A:83a]'dzin grangs nges gsal bar gsungs/ /des na de 'dra'i bshad pa ni/ /rang gzhan gnyis ka'i phyogs dang 'gal/ /phyin chad gzur gnas grangs nges kyis/ /sta gon 'brel pa med pa dang / /zhes par mgo mtshungs brgal lan gyi/ /spros pa 'di ltar smra bar byed/ /smin byed re la sta gon re/ /dgos na bsnyen sogs brgyad char yang / /re re dgos 'gyur sta gon ni/ /gcig dang slob ma gcig 'brel gyi/ /phyi ma rnams dang 'brel med 'gyur/ /slob ma sta gon nyer lnga dang / /'brel ba'i lha ni sta gon yang / /nyer lnga dgos pa khyod la mtshungs/ /gal te sta gon 'brel pa ni/ /slob ma ma yin cho ga ni/ /byed las yin par 'dod na ni/ /rin 'byung man la bum chog re/ /khyed la yang yang byed dgos 'gyur/ /dngos gzhi bsgrub mchod mi mtshungs te/ /bsgrub mchod bdag 'jug dbang bskur gsum/ /cho ga rigs mthun 'brel chags dgos/ /gzhan phan bdud rtsir rdul tshon gyi/ /dkyil 'khor gcig tu dngos po drug /gsungs kyang sta gon gcig nyid zer/ /'o na smin byed tshar re la/ /slob ma sta gon tshar re dang / /'jug cing dbang bskur len pa sogs/ /tshar re dgos na bsnyen sogs brgyad/ /tshar re dgos sogs sgrub byed kun/ /ri bong tshang log ci mi 'gyur/ /sgrub mchod la sogs bar ma chod/ /dgos na dbang chur sgrub mchod dang / /'jug pa'i bar du sbyin bsreg sogs/ /gsungs pa ma mthong de nyid bstan/ /rnal ma'i lan ni 'di skad lo/ /sta gon dang po gnyis po de/ /phyogs der