[A:88a]yod med yin/ /phyag rgya'i rnal 'byor la rten nas/ /rdzogs rim ye shes dngos su bskyed/ /lhan skyes tshim nus rnal 'byor pa/ /kho nas tshogs 'khor bya ba dang / /de med khyim pa'ang de dngos med/ /rab byung bzang yang de 'dra bkag /Dombhi bas kyang pho mo gnyis/ /nges par dgos pa bshad ces zer/ /'o na sngon gyi lam 'bras pa/ /kyai rdor dbang zhus thams cad la/ /lhan cig skyes pa'i ye shes gang / /dngos su skye bar 'dod dam ci/ /lo rgyus kun las tshogs 'khor bshad/ /khyad par grub chen buddha shrI/ /tshogs 'khor mdzad pa'i rnam thar ltos/ /rab byung tshogs 'khor mi rung na/ /dge slong dpa' bo rdo rje de/ /tshogs 'khor gshegs pa'ang mi bden nam/ /'di rnams bod nas byung rgyal smras/ /tshim pa drug pa'i nyams len dang / /mchog dbang gsum po mtshungs pa'i phyir/ /tshogs 'khor bzhin du de la yang / /dngos rtags gnyis su 'byed dgos 'gyur/ /tshogs 'khor dbang bskur gnyis ka la/ /dngos rtags 'byed na rtog bzo yin/ /gzhan yang spros pa 'di ltar bris/ /'khrul spong las ni tshogs gral du/ /sdom pa 'og ma'i bcas pa dang / /'gal bar dogs na rtsa ltung bshad/ /tshogs 'khor ma byas ltung bshad min/ /dngos lan thams cad mkhyen pa yi/ /dri lan du ni gsal ba ltar/ /bskyed rim brtan po yod pa dang / /ma dad bzlog nus rnal 'byor pas/ /tshogs 'khor dngos su bya ba dang / /rab byung rnams la min par gsungs/ /rnal 'byor tshogs 'khor rung ba dang / /rab byung