[A:88b]tshogs 'khor mi byed par/ /dus 'khor bde mchog bshad ces zer/ /'di dag gnad kyi snying po'i lan/ /rje yi rtsa ltung 'khrul spong las/ /rab byung phyi dro mi bza' ba'ang / /bcu gsum pa yi ltung bas 'jigs/ /cung zad 'thung zhing kha zas brten/ /snod min drung du rab byung la/ /de skad smra na rtsa ltung gsungs/ /tshogs 'khor dus su rab byung gis/ /bslab pas bcings nas chang 'thung dang / /phyi dro'i kha zas brten pa yis/ /ltung ba byung dogs mi brten pa/ /rtsa bar gsungs shing nad pa yi/ /reg pa tsam las mi brten yang / /nyes med ril bu brten pa ni/ /'di yi skabs ni min zhes gsungs/ /gal te gong du bshad pa ltar/ /bcas 'gal dogs pas rtsa ltung ste/ /bcas 'gal med na'ang bstan pa bsam/ /tshogs 'khor med phyir mi 'gal na/ /'o na de 'dra'i dgos med pa'i/ /rab byung tshogs 'khor rung bar mthun/ /bstan la phan nam min yang rung / /dgos pa gtso bor rje btsun bzhed/ /chang ni 'o mar bsgyur nus pa/ /tshogs 'khor chad du khyed nyid 'dod/ /'o ma'i ltung ba'i nyes pa gang / /de la ma dad ga la 'ong / /bstan la'ang gnod par ji ltar 'gyur/ /nad la gnod pa'ang dka' ba yin/ /gzhan gyi rab byung tshogs 'khor dus/ /sha chang brten zhes snod smin bsgrags/ /rang gi tshogs 'khor ma byas par/ /khyed la ltung ba gnyis su 'gyur/ /tshogs 'khor ma byas rtsa ltung ste/ /ma brten pa zhes rtsa ba dang / /'grel par dam rdzas mi brten zhes/ /ma mthong phyogs mthong gzhan la smod/ /rang nyid ngo tsha gzhan gyis