[A:89a]khrel/ /'khrul spong don yang dang po yi/ /las can rnams kyi'ang rung ba ste/ /ljon shing nyid las dam tshig dang / /tshogs 'khor gnas dang gang zag gsum/ /chos rjes tshogs 'khor rtsod spong las/ /gnas dang mdun bskyed tshogs 'khor dus/ /bzod gsol skabs dang rnam pa bzhir/ /las ni dang po zhes bya ba/ /khu dbon gnyis kyi gsungs pa 'di/ /log rtog brag ri 'joms pa'i thog /tshim pa drug pa'ang rnam gnyis te/ /phyag rgya bsten dang ting 'dzin gnyis/ /phyi ma Dombhi he ru kas/ /mar dang mar gyi nying khu yis/ /snying kha ru ni byug par bya/ /ji skad gsungs pa de bzhin gsungs/ /des na zhib tu ma bltas par/ /rbad chod sngas na rang nyid 'bebs/ /rigs pa tshogs 'khor mchog dbang mtshungs/ /de phyir rgyu lam mtshan nyid pa/ /rab byung nyams len mi 'dod dam/ /gal te sha chang dngos su yin/ /mchog dbang ting 'dzin dkyil 'khor phyi/ /mtshungs min snyam na dge slong la/ /sa brko me reg la sogs dang / /dbang dus gzhu sogs 'gog gam ci/ /dgos pa gtso phyir de mthong tshe/ /nyes med zhes ni rje btsun bzhed/ /mdor na tshogs 'khor 'chad skabs dang / /dang po'i las can rab byung dang / /med mi rung ba sha chang dang / /kun nas mtshungs pa'i rigs pa sogs/ /gtan tshigs bzang po 'di mthong phyin/ /gzhan lugs bsres nas snyan brgyud kyi/ /gdams pa 'gog pa'i babs bcol rnams/ /nyung na tshogs kyi bsod nams 'phel/ /des na khyed kyis bshad pa rnams/