[A:89b] /gzhan gyi sa lugs snyan brgyud la/ /skyon brjod snying la zhugs pa yi/ /yid ches med pa'i skyogs bshad mang / /lugs gtan 'gal yang snyan brgyud dang / /'gal med sa lugs snying por bzung / /dus 'khor bde mchog gsal lo zhes/ /snyan brgyud 'gog pa'i zur za yin/ /tshogs 'khor bshad pa ma rtogs dang / /rjes 'dzin la sogs log rtog dang / /lus dkyil the tshom bcas pa ste/ /ma rtogs log rtog the tshom gyis/ /'khrul pa snyan brgyud 'di yis sel/ /dbus gdong nyer lnga'i phyogs snga las/ /'phros don lan dang tshig skyon sogs/ /zhib dpyod byas na mang yod kyang / /gnad rnams dril nas 'di tsam bris/ /gzhan yang gsang ba kun rgyan gyi/ /dgongs pa yin zhes rjes 'brang rnams/ /la la tshogs 'khor sha chang rol/ /phal cher tha mal sha chang brten/ /dbang bskur skabs su tshogs 'khor spong / /rang gzhan gnyis ka'i lugs dang 'gal/ /'ga' zhig bdud rtsi ril bu bsten/ /bcu gsum pa yi nyes med zer/ /'khrul spong nyid las skabs min gsungs/ /gzhan yang dbus pa'i thos bral 'ga'/ /sems bskyed brgyud pa yod par thal/ /zhes sogs tshig khri smra ba thos/ /'o na shes rab snying po las/ /gzugs med sgra med la sogs dang / /dbu ma rtsa ba'i mchod brjod du/ /'gag pa med pa skye med pa/ /zhes sogs la yang mtshungs pa'i phyir/ /blun po'i rigs pa rang la zlog /brgal lan med pa'i ci drag yin/ /de 'dra gnas lugs skabs yin na/ /snga ma'ang skabs don ci mi rtsi/ /bden lan byin pa kun