[A:90a]la phan/ /snying nas rje btsun sa skya pa'i/ /snyan brgyud lhag ma'ang nub par dogs/ /legs par bshad pa'i dge ba 'dis/ /snyan brgyud zab mo rab rgyas shing / /'gro bas sangs rgyas myur thob shog /'og zla'i yar tshes bco lnga'i nyin/ /nyin byed snyan brgyud 'khrul sel 'di/ /'di phyir phan bde 'byung ba'i gnas/ /gnas mchog mkhar byung yangs rtser bkod/ /snyan brgyud 'khrul sel zhes bya ba'i bstan bcos 'di ni/ mkhas pa chen po lcags thang pa dang dpal sgyi chu ba yab sras rnams kyi zhabs pad bsten pas/ mdo sngags kyi don la blo gros kyi snang ba cung zad gsal ba ngam ring chos sde chen po'i mkhan chen bzang po bkra shis zhes bya bas grub pa'i bsti gnas se mkhar byung gi yangs rtser legs par bkod pa 'dis sangs rgyas kyi bstan pa dar zhing rgyas pa dang / lam gyi bar chad zhi nas sems can thams cad kyis rdo rje 'chang gi go 'phangs myur du thob par gyur cig dge legs 'phel/ ces pa de rnams kyis chos rje bzang po bkra shis kyi gsung rab las 'byung tshul bshad zin nas// ! //gnyis pa sgyi chu ba burdha shrI'i legs bshad las 'byung tshul bshad pa ni/ des mdzad pas yang lan nor bu'i phreng ba zhes bya ba las 'di ltar 'byung ste/ oM bde legs su gyur cig rgyal ba kun gyi ye shes 'jam pa'i dbyangs/ /gangs can 'dul phyir mi'i tshul bzung nas/ /ma nor lam ston rje btsun sa skya pa/ /skye dgu kun gyi gtsug na rgyal gyur cig /mdo rgyud man ngag bstan bcos kun gyi don/ /ji bzhin rtogs