[A:90b]nas gzhan dring mi 'jog pa'i/ /'khrul med smra ba'i dbang po mus srad pa/ /las skal bsags rgyab can gyi gtsug tu mchod/ /smin grol lam gyi cha thebs ma lus pa/ /sa skya'i bla chen rnams kyi dgongs pa bzhin/ /snyan brgyud bzhi ldan rje btsun sgyi chu ba/ /bdag cag rnams kyi 'dren par gsol ba 'debs/ /'di ltar dri ma med pa'i lung gis phyug cing mngon par rtogs pa'i yon tan gyis brgyan pa/ nyan thos dang theg pa chen po spyi la brtsams ste bstan pa gces spras su mdzad pas/ ngur mig 'dzin pa rnams kyi rtse mor byon pa/ rang dang gzhan gyi grub mtha' rgya mtsho lta bu la dbang 'byor bas mkhas pa'i bya ba gsum la thogs pa med pa/ gdul bya mtha' dag smin grol la 'god pa'i mdzad pa bzang pos sa skya pa'i bstan pa'i khur lci ba/ snyigs dus kyi rdo rje 'chang chen po kun dga' bzang po zhes yongs su grags pa de nyid kyis skyes bu brtson 'grus kyi stobs bral zhing shes rab kyi mig long ba/ rnam g.yeng gi khur che zhing le lo'i 'dam du bying ba/ blo gros kyi rtsal med pas legs bshad don du mi gnyer ba/ dad pa'i rjes su 'brang zhing nyung ngu la dga' ba dag gi ngo bor/ gsung ngag rin po che lam 'bras 'bu dang bcas pa'i gdam ngag rim par snyan du brgyud pa'i yig sna/ nges par med du mi rung ba brgya phrag gcig dang sum cu rtsa brgyad las/ thos bsam gyis sgro 'dogs chod par byas nas dkri tshul gyi rim pa sum cu/ chos kyi tshom chen po lnga brgya dang lnga bcu rtsa gnyis/ bsgom gegs bsal ba'i thabs brgya phrag gcig dang sum cu ste/ mdor na rdo rje 'chang