[A:91a]nas ding sang gi bar du tshig don gyi cha thams cad snyan brgyud yin pa rje btsun gong ma rnams dang rjes 'brang tshad ldan dag gis yi ger bkod pa/ tshig gi lhad med pa/ ngan rtog gi dri ma bral ba/ rang bzo'i rtog rtags kyis zin bris spangs pa/ rtsa khra 'phros gsum du grags pa 'di nyid gzhung khrid rgyas pa nyid kyi steng du dril te/ de yang snang ba gsum ni phar phyin rang rkang du mdzad la/ de'i rjes su brgyud pa gnyis kyi lugs su byas pa'i sems bskyed kyi cho ga'am/ dbu ma lugs kyi sems bskyed kyi cho ga chos rje pas mdzad pa gang rung gis byang chub sems dpa'i sdom ldan du mdzad nas bzod dbang bskur te sngags la 'jug par mdzad do/ /da ni phyogs phyi ma'i dgongs pa brjod par bya ste/ de yang sangs rgyas kyi bstan pa la thog mtha' bar gsum du bka' drin che ba sad mi mi bdun dang / g.yo dmar gtsang gsum la sogs pa dge ba'i bshes gnyen gyi rigs su 'khrungs pa dang / sa lam gyi yon tan phal cher bgrod de nub phyogs u rgyan gyi yul nas gangs can gyi ljongs su skye ba bzhes pa/ rdo rje theg pa la mkhas pa'i mchog tu gyur pa/ khyad par rje btsun sa skya pa yab sras khu dbon rnams kyi gsung rab tshig don ma lus pa thugs su chud nas 'gal med du rtogs zhing 'khrul med du smra ba'i spobs pa can/ rnal 'byor gyi dbang phyug gtsang byams pa rdo rje rgyal mtshan zhes yongs su grags pa de nyid kyis phyogs snga ma'i lugs srol de dag gong ma'i gsung dang 'gal zhing / rang bzo'i dri mas slad pas/ zab mo'i man ngag med pa'i