[A:94b]rgyud kyi TIkkar rnam snang mngon byang gi lung drangs pa bkod pa dang / yang 'phags pa'i rtsa rgyud TIkka dang spyi rgyud dgongs pas grangs nges yod pa dang / rnam snang mngon byang gi dgongs pas grangs nges med pa gnyis ka slob ma rjes 'dzin gyi skabs su 'dir bshad pas mi 'gal ba nyid du 'dod do/ /zhes gsungs na/ 'di lta bu'i 'gal ba'i khur chen gyis dub par ma gyur tam/ rang nyid kyis smras pa'i rigs sngags kyis bcings par gsal lo/ /des na/ spyod pa'i rgyud kyi dkyil 'khor la/ /slob ma grangs nges med par gsungs/ /lhag ma dmigs bsal ma mdzad pa'i/ /slob ma la ni grangs nges yod/ /'di ni gsang ba spyi rgyud las/ /mkhas pas slob ma gcig gam gsum/ /lnga 'am yang na bdun dag gam/ /nyi shu rtsa ni lnga yi bar/ /zung du ma gyur slob ma gzung / /de bas lhag pa'i slob ma ni/ /yongs su gzung ba mi shis so/ /de'i rgyu mtshan/ de bas lhag pa'i slob ma la/ /cho ga yongs su rdzogs pa ni/ /mtshan mo gcig la tshar mi nus/ /de yi mtshan mo ma tshar na/ /cho ga nyams pa rgyal bas gsungs/ /nyams na cir 'gyur zhe na/ dpal ldan dam pa dang po las/ cho ga nyams pa'i byin rlabs kun/ /bgegs kyis yin par rgyal bas gsungs/ /yin pas ci to snyam na/ bgegs kyis bsod nams ma lus mdzad par byed/ /ces dang / rje btsun gyi slob ma rjes su bzung ba'i cho ga dang / de smin par bya ba dbang bskur ba'i mngon rtogs so/ /dang po ni rgyud 'di las gsal po tsam ma gsungs kyang / slob mas gsol ba btab pa