[A:95a]ni/ sambu Ti las/ slob mas pus mo'i lha nga ni/ /sa la dad pas btsugs nas ni/ /thal mo sbyar nas bstod pa yis/ /ston pa la ni zhu bar bya/ /zhes dang / de ltar cho ga rgyud gsum du mi gsal ba rnams/ ji ltar de nyid bsdus pa yis/ /dkyil 'khor cho ga de bzhin bya/ /zhes bshad pa de nyid bsdus pa dang / gsang ba spyi rgyud las rtogs par bya'o/ zhes dang / rje sa paN gyis/ gang du las ni yod gyur la/ /las kyi cho ga rnams med pa/ /de ni spyi yi rgyud dag las/ /gsungs pa'i cho ga mkhas pas bsten/ /ces sogs mtha' yas pa gsungs la/ sngar khyed kyis drangs pa'i rnam snang mngon byang gi lung de ni spyod rgyud kyi lugs la grangs nges mi dgos pa'i khungs yin zhing / spyi rgyud kyi lung ni rgyud sde gzhan gsum la grangs nges dgos pa'i lung yin na/ 'di 'dra ba'i lung sbyor ni sa skya pa'i rjes su 'jug bzhin du rgyud sde phan tshun dkrugs par zad do/ /gzhan yang spyi rgyud las/ slob ma rjes su bzung ba gang / /sta gon gnas der med na ni/ /de yi gzugs brnyan byas nas ni/ /ji skad gsungs pa'i las rnams bya/ /zhes gsungs pa nyid kyang slob ma brgya stong grangs med la dus gcig tu rjes 'dzin gyi cho ga byed pa bkag pa yin te/ dbang bskur gyi grangs kha tshang ba'i phyir/ rjes bzung tshe'i dus byas pa de nyid kyi rten la cho ga bya dgos pa byung ba yin pas so/ /gzu bor gnas pa'i blo ldan rnams kyis legs par dpyod cig gzhan yang rigs sngags mkhan po na re/ chos rje bla ma'i bzhed pa yin par byas