[A:97a]sta gon tshar gcig byas pas/ khyod rang gi tshe ril po dbang bskur ba'i sta gon gyi go chod par 'gyur te/ khyod rang gi sta gon byas pa'i skabs don dag sta gon tshar gcig po des 'grub pa'i phyir dang / rdul tshon gyi dkyil 'khor gcig gis slob ma brgya stong grangs med pa smin gyin 'dug pa'i phyir ro/ /legs par soms la smros shig yang dkyil 'khor de dang tshogs de dag 'brel ba'i phyir/ zer ba'i don ci/ gal te tshogs de dag gi don du bzhengs pa la zer ba yin na/ rdul tshon gyi dkyil 'khor des sems can thams cad smin par gyis shig yang rigs sngags mkhan po na re/ sgrub mchod kyang nyin zhag du ma sbrel nas bya mi rung bar 'gyur te/ sgrub mchod phyi ma rnams la sta gon gyi 'brel pa med pa'i phyir zhes zer ro/ /de ni mkhyen pa chung pa ste/ sta gon dang dngos gzhi gnyis kyi dbang len mi rten gyi gang zag gcig yin pa'i phyir de 'dra'i mtshungs pa ya mtshan no/ /de'i phyir rje btsun gyis gshin po rjes 'dzin gyi skabs su/ sta gon nub gcig dngos gzhi nub drug ste nub bdun du gsungs nas/ slar yang bdun tshigs kyi sbyong ba na/ 'chi chung gi dbang gis rten mi gcig pa'i phyir/ sta gon nas mgo brtsams te sngar bzhin du bya bar gsungs shing / zhe dgu'i bar du byed na yang zhag bdun re nas/ sta gon nas mgo brtsams te bya bar gsungs pa 'di nyid kyis kyang khyod ltar sta gon gyis ma sbyangs pa'i gang zag tha dad pa brgya phrag la dngos gzhi lo dang zla ba'i bar du byed pa 'di legs par bkag pa yin te rnam dpyod kyi mkhyen