[A:97b]par 'gyur te/ mdun bskyed bsgrub pa'i skabs don ni/ dbang len pa'i yul gsal 'debs pa'i dmigs rten yin la/ de tsam gyi skabs don mdun bskyed gcig pu des grub zin par mtshungs pa'i phyir/ de la mchod pa yang mi dgos par 'gyur te/ mchod pa'i dgos pa ni bsod nams kyi tshogs bsog pa yin la/ de tsam gyi skabs don mchod pa tshar gcig po des grub zin par mtshungs pa'i phyir/ bdag nyid 'jug cing dbang blang ba yang mi dgos par 'gyur te/ de'i skabs don ni/ dam tshig gi nyes pa bsal ba slob ma byin gyis brlab pa'i phyir yin la/ de tsam gyi skabs don 'jug cing dbang blang ba gcig po des grub zin par mtshungs pa'i phyir/ bum pa sta gon yang mi dgos par 'gyur ro/ /bum pa sta gon byas pa'i skabs don ni dbang bskur ba'i phyir yin la/ de tsam gyi skabs don sta gon gcig po des 'grub par mtshungs pa'i phyir/ de dag mi mtshungs par sgrub byed med pa'i phyir/ skabs don grub kyang cho ga kha lag tshang ba'i phyir yin na/ sa lha sta gon la yang ci'i phyir mi mtshungs/ gal te dngos gzhi'i sngon 'gro gtor ma nas/ mjug gi bya ba'i bar cho ga tshar gcig yin pas mi mtshungs so snyam na/ mtshungs te/ dbang gi chos brgyad po de dag cho ga tshar pa gcig yin la/ rjes bzung / bsnyen pa/ sa chog gsum ni cho ga de'i yan lag yin pas/ dbang bskur ba man chad du mi dgos la/ lhag ma lnga ni sbyor dngos rjes gsum tshang ba'i cho ga tshar ba gcig yin pas dus thams cad mtshungs so/ /gzhan yang tshe stod la