[A:98a]shig ci'i phyir na dbang lam gyi rtsa ba yin pas so/ /yang 'di ltar 'dod de/ dngos gzhi sgrub mchod kyis mtshungs pa byed pa ni blun po'i rigs pa ste/ de gnyis mi mtshungs pa'i phyir/ ji ltar mi mtshungs snyam na/ slob ma dbang bskur dang / rang gi bdag 'jug len pa gnyis ka la gang las dbang ba'i yul dkyil 'khor tshul bzhin du bsgrub dgos la/ de lta bu'i dkyil 'khor bsgrub pa dang / bdag 'jug len pa dang / slob ma la dbang bskur ba gsum cho ga rigs mi mthun gzhan gyis bar ma chad pa 'brel chags su dgos pas so/ /de ltar sta gon la'ang mtshungs so zhe na/ sta gon dang dngos gzhi sgrub mchod gnyis kyi bar du lha'i rnal 'byor gzhan dang / cho ga gzhan bya mi rung bar khyod khas longs shig zer ro/ /mkhas pa chen po nyon cig dngos gzhi sgrub mchod sogs dang mtshungs pa'i rigs pa bshad zin pa/ khyod kyi mi mtshungs pa'i sgrub byed du bsgrub cing mchod pa/ 'jug cing dbang blang ba/ slob ma gzhug cing dbang bskur ba gsum 'brel chags su cho ga gzhan gyis bar ma chad pa dgos na/ slob dpon rin po ches dkyil 'khor bsgrub cing mchod pa'i cho ga'o/ /rgyas pa'i sbyin sreg byed na/ bar 'dir sbyin sreg gi cho ga las 'byung ba ltar sbyin sreg bya'o/ /gal te rab tu gnas pa byed pa yin yang de'i tshe rab gnas kyi sta gon bya'o/ /gal te dkyil 'khor nub gsum pa'i lugs su byed na'ang / de'i nub mo rab gnas kyi sta gon byas la/ phyi nyin snga dro rab gnas kyi dngos gzhi dang rgyas pa'i sbyin sreg