[A:98b]byas la/ de'i nub mo slob dpon bdag nyid 'jug cing dbang blang ba dang / slob ma gzhug cing dbang bskur ba'i bar du bya'o/ /gal te rab tu gnas pa la sogs pa mi byed de/ dkyil 'khor nub gsum par yang mi byed na/ de ltar bsgrub cing mchod pa'i rjes la slob dpon bdag nyid 'jug cing dbang bskur bar bya ste/ de'i cho ga ni zhes gsungs na/ rab gnas sbyin sreg sogs dang / dkyil 'khor nub gsum pa sogs kyi 'jug pa ma shar bar/ rang nyid kyis bsgrub mchod/ bdag 'jug dbang bskur gsum bar ma chad du byas pa blo yul du bzhag nas/ dbang chu chen mo tshar gcig kyang ma bklags par sa skya pa'i bstan 'dzin du khas blangs te/ 'chad rtsod rtsom gsum gyi khur 'khur ba ngo mtshar che'o/ /des na rje ngor chen nyid ni las rgyu 'bras la shin tu rtsi bar grags na/ 'di lta bu'i rtsing chos la grub pa'i mthar byas nas/ bla ma mkhas pa'i phyag len mthong brgyud du smra zhing / yi ge ris su bris pa 'dis rje sa skya pa yab sras kyi bstan pa 'jig cing / dad ldan mang po bslu ba dang / ngor ba chen po'i zhabs ri rtse nas drangs pa kho bos mthong ngo / /rdo rje slob dpon gyi dbang gi thad du/ rigs sngags mkhan po na re/ rdo rje slob dpon gyi dbang la grangs nges mi dgos pa kho bo cag gi grub pa'i mthar byas pa med de 'ongs/ grub mthar ma byas kyang dgag dgos kyi dbang gis de ltar byas pa tsam la lung rigs kyi gnod byed 'phen pa ni mkhas lugs ma yin la/ zhes dang / rdo rje slob dpon 'phrin las chung ngu la slob ma nyung shas las med pa dag gis de ltar