[A:99b]bskur bya/ /zhes pa'i don yin par bshad pa dang nang 'gal zhing / slob dpon rin po che'i dbang chu gnyis char las/ rigs pa'i dbang 'di rnams la slob dpon mi bskyod pa'i rnal 'byor kho nas rung ngo zhes gsungs pa de yang / rje btsun chen po'i gsung de bkag pa nyid du khas len dgos par 'gyur bas rje btsun rang nyid nang 'gal gsungs shing / slob dpon rin po che 'gags pa yin par khyod kyis 'bad brtson gyis sgrubs shig ces dang / 'khor gsum yongs su dag pa bzhis byin gyis brlabs zhes pa'i 'khor gsum ni/ slob dpon/ slob ma/ dbang rdzas gsum yin la/ yongs dag ni/ bsnyen pa/ nyer sgrub/ sgrub pa/ sgrub chen dang bzhi yin cing / de yang rgyas bsdus bzhi yod pa las/ rgyas pa dkyil 'khor yongs rdzogs kho na la sbyor ba gsungs pa dang / 'bring po ni ji skad bshad pa bzhin yin la/ bsdus pa dang po ni/ sems bskyed byin gyis mi rlobs par/ sku gsung thugs byin gyis rlobs pa dang / dbang mi bskur bar dbu rgyan rang chas can byed pa'i yan lag bzhi dang / bsdus pa phyi ma ni dam tshig sems dpa' dbu rgyan rang chas can skad cig mas bskyed pa rnams yin par ljon shing las bshad do/ /de lta na 'grel pa lugs kyi brtul zhugs dang / slob dpon gyi dbang gnyis ka'i dbang rdzas la drangs ma thag pa'i bskyed chog 'bring po de sbyar ba yin zhing / man ngag lugs kyi de gnyis la bsdus pa phyi ma de sbyar ba yin te/ zhes sgrub byed 'god par byed do/ /yang rgol bas drangs pa'i rje btsun gyi yi ge de dang / kho bo cag gi