[A:103b]'dren no/ /gnyis pa ni sbyang rtogs sbar gsum nus pa'i rab tu byung ba rnams kyi tshogs 'khor byas pa'i skyon du mi 'gyur ram snyam na/ ma yin te/ bde mchog bstod 'grel las/ gang gi tshe dbang bskur ba la sogs pa'i tshe/ nyin zhag la bya ba phyi'i dam tshig ni shin tu sbas pa bya zhing phyi nas bla ma rnams kyis rigs kyi bu rnams la dgag par bya'o/ /dge slong rnams la ni dbang bskur ba'i dus kyang sbyin par mi bya ste/ chos gos 'dzin pa rnams la bla mas rang gi dam tshig gis thams cad rab tu bstan par bya ba'am/ zhes 'dren no/ /de dag ni brgyud pa'i man ngag med cing rtog ge ngan pa'i dug chus bslad pas/ rgyud don ma rtogs pa'i smra ba yin te/ lung de dag gi khungs btsal nas kho bos ma bltas mod/ khyed kyis drangs pa de nyid tshad mar byas nas byed na/ lung dang po'i don/ 'dir zhes pa rdo rje theg pa'i dkyil 'khor zhes ston/ byis pa rnams kyi zhes pa so so'i skye bo ste spyir bstan nas/ 'o na skye bo thams cad kyis rung ngam snyam na/ dbang thob cing dam tshig dang ldan pa'i rnal 'byor pa rnams kyi yin gyi zhes ston gyi/ dbang ma thob pa dang thob kyang nyams pa'i gang zag tha mal pa rnams kyi ni ma yin no zhes ston te/ mdor na dbang thob cing dam tshig dang ldan pa lha'i rnal 'byor la gnas pa zhig gis ji skad bshad pa bzhin gyi tshogs kyi 'khor lo'i rdzas sten du rung bar bstan/ gang dag gi sngags kyis stobs sam zhes pa man chad kyis brtan pa thob pa'i gang zag gis tshogs 'khor bya ba'i tshul/ sbyang rtogs sbar gsum gyi tshul rnams rgyas par bstan