[A:104b]
lha'i rnal 'byor gyis/ /'dod yon lnga spyod bla na med/ /ces dang / de la sha dang chang dag dang / /'bras chan la du 'khur ba dang / /zhes dang / bla ma la gus rtog pa chung / /'khon bcug med cing rab dad pa/ /zhes dang / dbang bskur thob cing blo ldan bzod/ /brtson dang brtan pa la sogs ldan/ /dam tshig spyad bya spyod par ldan/ /rgan pa'i rim pa bzhin du sdod/ /ces dang / dbang ma thob pa mi rigs pas/ /dbang bskur thob pa'i rgan rim mo/ /zhes dang / gal te rnal 'byor ldan pa yi/ /kha zas zos par byas gyur na/ /bsod nams rnams kyi mthar thug pa/ /tshogs kyi 'khor lo zhes bya 'o/ /zhes dang / yo byad ni ci 'byor pa yin na yang / med du mi rung ba sha dang chang ste/ zhes dang / tshogs kyi 'khor lo byas na 'jig rten dang 'jig rten las 'das pa'i dngos grub thams cad 'grub par bstan te/ zhes dang / rigs pas kyang shes te/ phyi rol gyi ras la sogs pa la sangs rgyas su byas nas mchod pas kyang 'grub par 'dod na/ bdag nyid sangs rgyas thams cad kyi rang bzhin yin pa la/ der bskyed cing shes par byas nas mchod na 'grub pa lta smos kyang ci dgos/ chos rje pas/ rab tu byung ba lus ngag gi kun spyod gtsang dgos pa la gtsang ba dang mi gtsang ba mnyam dgos pa'i phyir ro zhe na/ zhes dang / rang nyid mchod pas sangs rgyas mchod par 'gyur ba mi 'thad de/ lus mi gtsang ba las grub/ sems chags sdang yin no zhe na/ zhes phyogs snga brjod nas/ bdag nyid sangs rgyas su bskyed nas mchod pas/ sangs