[A:105a]rgyas mchod pa'i bsod nams thob par mdo rgyud gnyis ka nas gsungs te/ zhes sogs lung dang bcas nas sangs rgyas par gsungs so/ /gzhan yang gsang sngags kyi lta ba dang / sgom pa/ spyod pa thams cad dngos po stobs shugs kyi rigs pas grub bo zhes kho bo'i bla ma rdo rje 'chang chen pos gsungs so zhes dang / rje btsun gyi zhal nas/ ming gi don la grogs dang / mngon par rtogs pa lha'i rnal 'byor dang / dgos pas phye na brgyad ces dang / de dag kyang mngon par rtogs pa gcig yin pas/ spyi don gnyis pa cho ga la drug ste zhes dang / gang ltar yang rung ste/ tshim pa drug par ni thams cad 'dus pas na/ zhes lung dang bcas nas mang du gsungs so/ /gal te de dag brtan pa thob pas yin gyi/ las dang po pas min no snyam na/ sngar bshad pa de dag gi skabs la dpyad pas shes mod/ rje btsun gyi zhal nas/ las dang po pas ji ltar bsrung ba/ drod chung thob nas ji ltar bsrung ba/ chen po thob nas ji ltar bsrung ba'o/ /dang po la srung tshul bstan pa dang / nyams na phyir bcos pa'i thabs so/ /dang po srung ba'i dam tshig bza' ba'i dam tshig ces dang / bza' ba'i dam tshig la rgyun dang / zhar gyi bza' ba'i dam tshig khyad par gyi bza' ba'i dam tshig ni tshogs 'khor te/ de la gnyis/ ming gi don dang / cho ga'o zhes so/ /de lta bas na sa skya pa'i snyan brgyud 'dzin bzhin du rang dgar smras pas snyan brgyud ma sgrib par gong ma'i dgongs pa skong ba la brtson par gyis shig chos kyi rgyal po 'phags pa'i