[A:106a]/zhes pa 'di ni rje btsun sgyi chu ba chen po lha'i mtshan can dang / mang thos rab gsal gyi zhabs kyi pad rdul la yan lag mchog gis gtugs pa'i phyogs kyi slob ma rab tu mang po'i tha chung buddha shrIs/ rnal 'byor gyi dbang phyug gtsang byams pa rdo rje rgyal mtshan sku 'khrungs nas lo brgya phrag gcig dang bcu phrag brgyad 'das pa/ shing mo sbrul gyi lo ston zla ra ba'i nyer bzhi la mkhas grub kyi bsti gnas gdan sa chen po dpal dge chu dges pa rdo rje'i chos grwa chen por mdor bsdus pa 'dis sems can thams cad kyi ma rig pa'i mun pa sangs nas/ yang dag pa'i ye shes kyi snang ba rgyas te/ 'jig rten du bde skyid kyi dpal phun sum tshogs pa 'bar bar gyur cig ces pa de rnams kyis rdzong lugs kyi mkhas pa dag gi legs bshad las 'byung tshul bstan zin to// //'dir smras pa/ sems bskyed brgyud pa rjes 'dzin grangs nges sogs/ /don tshan brgyad kyi 'dra min grub mtha'i srol/ /mkhas dbang so so'i lung rigs kyis bsgrubs pa/ /'di 'dra mthong tshe dpyod ldan yid rab 'phrog /bar skabs kyi tshigs su bcad pa'o/ /da ni spyi don gsum pa tshogs kyi 'khor lo'i mtha' dpyad dang / zhar las 'ongs pa'i legs bshad kyi cha 'ga' zhig bstan pa la gnyis te/ tshogs kyi 'khor lo'i mtha' dpyad bshad pa dang / zhar las 'ongs ba'i legs bshad kyi cha 'ga' zhig bstan pa'o/ /dang po ni/ phyi rabs byon pa'i sa skya pa'i bstan 'dzin mkhas pa'i dbang po byams pa rab brtan gyi gsung bzhin/ rje btsun de nyid kyi dngos kyi slob ma rnam dpyod kyi