[A:111a]bsten byar byed pas khyab pa'i phyir te/ de yin na 'dod pa'i yon tan rnams kyi nang nas 'di lta bu zhig bsten bya yin/ 'di lta bu zhig bsten bya min zhes pa'i dmigs bsal mi 'thad pas khyab pa'i phyir/ rtags khyod kyis khas blangs te/ khyed kyi lung de nyid las/ khyed bla med pa la 'dod pa'i yon tan thams cad bsten byar gsungs na/ bza' btung gi rnal 'byor cis bsten par bya ba min te/ dmigs bsal 'thad pa min pa'i phyir ro snyam du khong du chud pa'i ched yin no zhes tshogs 'khor bsten pa'i dgos pa'i gtso bor smras pa'i phyir/ legs par soms shig gong du 'dod na/ mi tshangs spyod ma byin len dang / ma dag pa'i kha zas sogs spong ba'i dge slong rdo rje 'dzin pa med par thal/ 'dod pa'i phyir/ de'ang 'dod na snyigs ma'i dus 'dir de lta bu'i grub pa'i phyag len skyong ba mang bar 'dug pas khyed nyid dges par gyur cig gzhan yang dge slong rdo rje 'dzin pas phyi dro'i kha zas dang / chang sogs spong ba mi rung bar thal/ de phyi dro'i dus su 'di lta bu zhig longs spyod du rung 'di lta bu zhig mi rung zhes pa'i dmigs bsal mi 'thad pa'i phyir/ rtags khas/ 'dod na/ 'khrul spong las/ dgos pa med par phyi dro'i kha zas bza' na nyan thos kyi bcas pa'i steng du rdo rje theg pa'i yang nyes pa'o zhes sogs dang / rgyud las/ sdom pa gnyis kyi bcas pa la/ /dgos pa med par 'da' ba dang / /zhes sogs gsungs pa rnams mi 'thad par thal lo/ /ye shes kyi spyan dang ldan pa rnams kyis gzigs shig rig pa'i rgyal