[A:113a]
te/ gzhan la rtsa ba'i ltung ba'i skur 'debs smras pa'i lhag ma dang / gzhan la byams pa'i sems spangs pa'i rtsa ltung ni de nyid du/ de bas na rje btsun rin po che grags pa rgyal mtshan zhabs yang dag pa'i dge ba'i bshes gnyen du byed na smra ngan 'di'i 'gro ba ni cir 'gyur/ gzhan du dam tshig las nyams na/ /nyams pa bdud kyis gzung bar 'gyur/ /de bas sdug bsngal myong 'gyur te/ /thur du bltas te dmyal bar 'gro/ /zhes pa'i don rtogs par bya'o zhes pa nas nyes pa 'di rnams byas pa'i rjes la ni dbang yang gzhan la ma zhus pas khron par lhung ba'i rdo ba bzhin du rig par bya zhing / de ltar sa skya pa dang rgyab 'gal ba'i tshogs 'khor gyi ni 'byung pos byin gyis brlabs pa dag gi rjes 'brang yin par yang ngo shes dgos so zhes pa'i bar bris pa'i sgo nas gzhan ngan song du skyes nas sdug bsngal myong ba la dga' ba bsgom nas yid smon btab pas na byams pa'i sems spong bar 'gyur ba'i phyir ro/ /yang dbang gsum pa'i skabs su dge slong rdo rje 'dzin pas chags pa'i gtam smras pas lhag ma'i ltung bar 'gyur ba dang / dam bzhag sogs kyi skabs su/ khyod kyi rdo rje 'chang nga yin gyi zhes sogs la pham par 'gyur dgos na/ tshogs 'khor las 'jigs pa dbang bskur ba yang 'gogs dgos so zhes sogs smra ba yang mi mtshungs te/ dbang gsum pa'i skabs su de ltar smra ba ni chags pa la sred pa'i sgo nas smra ba ma yin par dbang gi ye shes ngos zin pa'i ched yin la/ 'khrig tshig smras pa'i lhag mar 'gyur ba la chags sems