[A:120a]cag rnams kyang de dag gi rjes su 'jug la/ ding sang gi dus dbang gral du sdod myong ba tsam gyis rdo rje theg pa ba yin zer nas gsang sngags la khag btang nas spyod tshul 'chol por byed pa rnams su zhig gi rjes 'jug yin mi shes so/ /yang de nyid du/ sa paN gyi tshogs 'khor rnam gzhag las/ rnal 'byor pa'i tshogs 'khor gsungs nas chos kyi rgyal po dpal ldan sa skya pa'i phyag len gyi rim pa bshad zin no/ /zhes gsungs la/ snga phyi gnyis mi mthun na phyi ma rang lugs su mdzad/ ces bris pa yang mi 'thad de/ de'i don la brtags na sa paN gyi tshogs 'khor la rab byung sdom brtson gyi lugs dang / rnal 'byor pa'i lugs gnyis gsungs pa'i snga ma sa skya pa'i phyag len dang mi mthun zhes pa'i don du song 'dug pa/ de ltar na sa skya pa'i tshogs 'khor gyi phyag len de slob dpon klu sgrub yab sras nas/ mkhan po bsod snyoms pa chen po'i bar gyi rgya gar gyi paN grub rnams dang mi mthun par smra ba ni ya nga ba'i gtam yin no/ /lugs snga phyi gnyis mi mthun zhes pa'ang gang zag gcig la ltos pa'i phyag len mi mthun pa min gyi/ gang zag so so la ltos nas mi mthun pa ste/ sdom brtson rdo rje 'dzin pa rnams kyis tshogs kyi 'khor lo lugs snga ma ltar bya zhing / de las gzhan pa'i rdo rje 'dzin pa rnams kyis lugs phyi ma ltar bya'o/ /lugs de gnyis char yang chos kyi rgyal po dpal ldan sa skya pa'i phyag len rnam par dag pa yin no zhes kho bo cag rnams smra 'o/ /'o na sdom brtson rnams kyis tshogs 'khor de ltar byed pa de/ rang rgyud kyi sdom pa