[A:119b]
rnams snod min du dogs nas tshogs 'khor sdom brtson gyi lugs de ltar mdzad pa la khyed kyis bod rnams snod ldan du bsam nas sha chang gi gtso bor spyod pa'i tshogs 'khor byed pa 'di 'gal ba ltag sprod du snang bas gang rung zhig log lta can las ma 'das so/ /gal te kho na re/ sa paN gyi tshogs 'khor lugs gnyis gsungs pa'i sdom brtson rnams kyi lugs de rim gnyis la brtan pa ma thob pa'i dbang du byas pa yin na/ klu sgrub yab sras sogs kyang rim gnyis la brtan pa ma thob par 'gyur ro zhe na/ skyon med de/ klu sgrub yab sras sogs ni rang nyid bcas 'gal gyi nyes pas gos kyis dogs nas tshogs 'khor gyi lugs de ltar mdzad pa ma yin gyi/ 'on kyang rjes 'jug gi gdul bya rim gnyis la brtan pa ma thob pa'i sdom brtson rnams kyis gsang sngags la khag btags nas rtsing spyod dwang du blangs na bstan pa dang rang gzhan la gnod par 'gyur ba la dgongs nas de ltar mdzad pa'i phyir/ dper na 'o skol gyi ston pas gdul bya snod ldan dbang po yang rab rnams la u rgyan la sogs pa'i gnas rnams su kha sbyor yan lag bdun ldan gyi sku la sogs pa rdo rje theg pa'i spyod tshul bstan nas/ gdul bya thun mong ba rnams la rdo rje gdan la sogs pa'i gnas rnams su tshangs par spyod pa'i skur tshul ston pa dang mtshungs pa'i phyir/ des na sngon gyi thub pa'i dbang po dang / rgyan drug mchog gnyis/ jo bo chen po dang / 'jam mgon bla ma sogs paN grub sdom brtson rnams ni rjes 'jug rnams la dgongs nas tshogs 'khor gyi spyod tshul de ltar mdzad pas/ kho bo