[A:121a]'khor rnam gzhag tu rab byung sdom brtson gyi lugs gsungs pa de bkag par snang ste/ de yang yid ches pa'i ched du sa paN gyi gsung bkod pa ni tshogs 'khor rnam gzhag las/ tshogs kyi yo byad la lugs gnyis las/ rab tu byung ba sdom brtson gyi lugs ni mchod pa dang gtor ma la sha chang la sogs pa 'bul/ sdom brtson rnams kyi lce la bdud rtsi myang ba tsam bya/ gzhan yang bu ram dang shing thog la gsang ba la sogs pa gtor ma byin gyis rlob pa ltar bya/ sha lnga dang bdud rtsi lngar bsam ste zos pas rtsa ltung bcu gsum pa'i nyes pa mi 'byung / sangs rgyas byang chub sems dpa' dang ye shes kyi mkha' 'gro ma rnams kyis byin gyis rlob par 'gyur te/ gsang ba 'dus pa las/ sha rnams 'di dag med na yang / /thams cad bsam pas rnam par brtag /rdo rje sbyor bas zos pa yis/ /sangs rgyas thams cad byin gyis rlob/ /ces gsungs pa dang / sambu Ti las/ sha gang yang med na rnam par rtog pa sha'i rang bzhin du byas la 'jig rten pa gang bza' bar bya'o zhes gsungs pa ltar ro/ /des na rgya gar gyi slob dpon klu sgrub yab sras/ thogs med sku mched nas bzung ste jo bo chen po rje dang / kho bo'i mkhan po bsod snyoms pa chen po la sogs pa rnams kyi tshogs kyi 'khor lo'i lugs 'di yin no/ /sdom brtson rnams kyi dbang bskur ba la sogs pa'i dus su 'di ltar byas na legs so zhes sa skya paNDi tas gsungs pa 'di nan bskyed pa'i ngal ba chen pos bkag par song 'dug gam mi 'dug gzu bor gnas pa'i blos dpyad 'tshal