[A:125b]byed do/ /de yang shin tu mi 'thad de/ chos rje bla ma dam pas rje btsun yab sras gsum bka' 'bum bsgrigs pa'i srol thog mar phye ba de'i nang du ma chug kyang / theg chen chos rjes phyag dpe la 'di nyid kyi mjug tu/ 'di la phyi mo du ma snang na yang / bka' 'bum snga ma rnams su ma chug kyang / phyis sgo rum dpe khang nas kyang bla dpe rnying pa byung ba mthong nas yid ches par byas nas bka' 'bum phyi ma rnams su bzhugs su gsol ba yin no/ /zhes gsungs pas tshad ma yin par nges pa'i phyir dang / khyed rang ltar na yang bstan bcos 'di rje btsun chen po dang sa paN gyi slob ma zhang bya ru bas byas pa yin no zhes smra bar grag cing / gong ma'i yi ger mi gsal ba rjes 'brang gi yi ge rnams su bshad pa la tshad mar byed do zhes kyang zer ba grag pas/ dkyil 'khor gyi tshad 'chad pa na yi ge 'di tshad mar byed dgos pa'i phyir dang / tshad mar mi byed na gzhan gsum brtsegs su byed pa'i sa skya pa yab sras rjes 'brang sus kyang khungs cung zad tsam yang med pa'i phyir dang / zhang bya ru bas khrid kyi sngon 'gro mi byed pa la tshad mar byed la/ skabs 'di la tshad mar byar mi rung ba'i don mthun gyi rgyu mtshan ci yang med pa'i phyir ro/ /yang kha cig yi ge 'dir brtsig pa thams cad rgya dpangs mnyam par bshad pas pha gu sogs brtsegs/ gzhan yang yod pa'i phyir/ spyir rgya dpangs mnyam pa de la med pas tshad ma yin no zhes smra ba grag go /de yang ma yin te/ pha gu sogs brtsegs de dag phyi rol du snang ba yin gyi/ nang du dpangs la mi 'phar ba gnad khong du ma chud