[A:125a]bcas pa 'gog pa la ngal ba du mas 'bad par zad pa'i phyir ro/ /yang kha cig na re/ 'di'i thad du dag ldan las/ dbang phyug dang de las che ba gsum dang bcas pa nyid kyi gdan du mdzad/ zhes gsungs pa la/ 'dir dbang po dang / nye dbang gnyis drag po las chung bar bshad pas dag ldan dang 'gal ba'i phyir rnam par ma dag go zhe na/ de ni shin tu mi 'thad de/ dag ldan nyid las/ bcom ldan 'das kyi gdan tshangs pa ni/ gzugs kyi khams kyi tshangs pa'o/ /dbang po ni sum cu rtsa gsum gyi brgya byin/ nye dbang gzhan 'phrul dbang byed kyi bdud sdig can no/ /drag po ni 'jigs byed do/ /zhes dbang po dang nye dbang drag po las chung bar bshad pa'i phyir/ gzhung de yang mi 'thad par thal ba'i phyir dang / 'dod na/ dag ldan bkag nas sa skya par khas 'ches ba 'gal ba'i khur chen po khyer ba yin pa'i phyir ro/ /'o na rje btsun gyi gsung de ji ltar 'chad ce na/ de ni lugs tha dad pa gnyis bkod pa yin pas/ bla ma'i man ngag gis phye ste bshad dgos pa yin no/ /gdan gyi rnam gzhag 'di bla ma 'ga' zhig gi rje btsun gyis mdzad par bzhed la/ de lta na yang 'gal ba yod pa ma yin no/ gdan gyi rnam gzhag bkar bsgrubs pa bstan zin to// ! //gnyis pa gzhal yas khang gi gsal byed slob dpon rin po che'i bkar bsgrubs pa ni/ rjes 'brang kha cig rang gis bzhag pa'i dkyil 'khor gyi tshad kyi rnam par gzhag pa dang gzhung 'di nyid 'gal bar mthong ste/ hwa shang gi dgongs 'grel ltar 'dir yang smra bar