[A:126a]pa'i smra ba yin pa'i phyir ro/ /gzhal yas khang gi gsal byed bkar bsgrub pa bshad zin to// //gsum pa de kho na nyid kyi man ngag dang / dang po rab 'bring gsum gyi dkri ba'i gzhung shing rje btsun gyi bkar bsgrub pa la gnyis/ dbang po de kho na nyid gsum gyi man ngag bkar bsgrub pa ni/ rjes 'brang kha cig bzlas pa'i skabs su 'phags pa rin po ches bzhag pa'i phar 'khor la sogs pa'i bzlas pa'i man ngag bkag pa las/ yi ge 'di nyid du phar 'khor shin tu gsal bar bshad pas rang gi smra ba 'di nyid ma brtan dogs nas yi ge 'di la bskur pa btab pa yin no/ /de yang shin tu mi 'thad de/ rje btsun gyis/ smin byed ltung ba'i rnam gzhag sgrub thabs bzhi/ zhes sogs kyi gzhung 'di rnams yig cha'i grangs ston pa'i gsung yin pa'i phyir/ rdo rje dril bu bgrang phreng dgang blugs dang / zhes pa 'dis kyang lag len gyi yi ge dag ston dgos pa'i phyir dang / lag tu blang ba'i chos gzhan rnams la yi ge yod la/ 'di la med pa la rgyu mtshan ci yang med pa'i phyir dang / rgyud 'grel na yod pas der kha 'phangs pa yin na yi ge gzhan rnams la'ang mtshungs pa'i phyir dang / de dag bshad pa tsam dang lag len du sgrig pa'i khyad par yod na 'di la yang mtshungs pa'i phyir dang / yi ge'i grangs ston pa ma yin par/ las dang po pa sogs la dgos pa sgrigs nas ston pa tsam yin na/ bris sku dang glegs bam la sogs pa shin tu mang ba 'chad dgos pas nyung ba'i phyir dang / ye shes dang dam tshig gi rdo rje dril bu go nor bas rnam