[A:13a]dbang bskur te lta ba 'khor 'das dbyer med sogs nas rim bzhin gsungs pa la/ de'i gnad bsdus te nyams su len pa'i gdam ngag ces tha snyad mdzad nas 'og ma 'di rje btsun dam pa de nyid kyis rtsal du bton nas gnang ba 'dra bsam pa bdag lta bu dad pa la nor du byed pa'i lugs gnyis ka la dad pa mi 'dor ba dag gi blo la shar ba de'i tshe/ rje sa paN gyi khrid yig dkar chag kyang dngos bstan dang sbyar nas mdzad do/ /zhes brjod na rje btsun dam pa de'i dgongs par e 'gyur/ dkri tshul phyi ma'i shlau ka gcig po snying po dang / gnyis las gsum byung dang / kun dang / bla ma'i drin zhes pa'i gsung gi nus pa gong gi gnyis po la ngos e 'dzin/ mdor na sho lo ka gcig po'i 'bru gnon gsal ba gcig mkhyen zhes pa ni dri ba'o/ /gnyis pa la gnyis te/ gzhung shing dngos la brtsams pa'i dris lan dang / gnad bsdus te nyams su len tshul la brtsams pa'i dris lan no/ /dang po la gnyis te/ dngos dang / zhar las byung ba'o/ /dang po ni/ rje btsun dam pa 'di'i bzhed pas/ gzhung ji lta ba bzhin du dkri ba'i gzhung shing la/ gzhung shing dngos dang / de'i gnad bsdus nas nyams su len tshul gnyis su mdzad pa de'i ngos 'dzin thog ma nyid nas rgyu dus kyi dbang bskur te dam tshig la sogs pa bstan nas phyis snang ba gsum la sogs pa'i khrid kyi rim pa thams cad phyogs mthun du ston pa'i lugs gcig dang / thog mar snang ba gsum gyi khrid bstan/ de nas dbang bskur/ de nas lta ba sogs kyi khrid ston pa'i lugs