[A:12b]la/ gzhung ji lta ba bzhin du dkri ba dngos dang / de'i gnad bsdus nas nyams su len pa'i gdam ngag gnyis kyi/ dang po/ gzhi dam tshig la gnas par bya ba la gnyis/ dam tshig ma thob pa thob par byed pa dbang bskur ba dang / thob pa mi nyams par byed pa'i dam tshig gi tshogs bsten pa'o/ /dang po ni/ dbang chu chen mo la sogs pa gsum dang / yab yum gyi bskyed rim rgyas bsdus rnams la brten nas yab yum gyi rdul tshon gyi dkyil 'khor du dbang bskur ba rnam par dag pa blang ba'o/ /gnyis pa la gsum gyi/ dang po srung ba'i dam tshig ni/ lca ltung 'khrul spong dang / gnyis pa bza' ba'i dam tshig ni/ bdud rtsi ril bu bsgrub pa'i man ngag dang / tshogs kyi 'khor lo'i cho ga rnams bshad cing nyan pa dang / gsum pa bsten pa'i dam tshig ni/ lam rim pa gnyis tshul bzhin du nyams su len pa ste zhes sogs dang / gnyis pa gnad bsdus te nyams su len tshul ni/ lam 'bras khrid kyi snying po ni/ zhes sogs kyi don rje btsun dam pa 'di'i dgongs pas gzhung ji lta ba bzhin dkri ba'i khrid la lugs gnyis kyi/ dang po 'chad pa de'i tshe thog mar dbang bskur/ de rjes dam tshig gi chos bskor dang / bskyed rim yan lag dang bcas pa tshogs kyi 'khor lo'i cho ga rnams bshad par gsungs pa dang / gsum pa ni lam rim pa gnyis tshul bzhin du len pa ste/ zhes gsungs pas khrid kyi dmigs pa rnams phyogs mthun du gsungs pa la/ gzhung ji lta ba bzhin du dkri ba dngos su mdzad pa'i lugs cig dang / thog mar snang ba gsum gyi khrid mdzad/ de nas